Ҷ.БАЛХӢ. Кумитаи иҷроияи ҲХДТ дар ноҳияи Ҷалолиддини Балхӣ барои амалӣ намудани дастуру супоришҳои Кумитаи иҷроияи ҲХДТ дар вилояти Хатлон дар ҳудуди маҳал чорабиниҳои ҷолибро баргузор намуда истодааст. Бо ин мақсад бо иштироки сокинони маҳаллаи Деҳқонободи ҷамоати деҳоти Каленини ноҳияи Ҷалолиддини Балхӣ намоиши ҳунарҳои мардумӣ баргузор карда шуд.

ҶАЙҲУН. Бо ташаббуси Кумитаи иҷроияи ҲХДТ дар ноҳияи Ҷайҳун дар ташкилоти ибтидоии «Шуғли аҳолӣ» чорабинии таблиғотии дар мавзӯъи «Терроризму экстримизм – вабои ҷомеа» бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Ҷайҳун Фарҳод Обидов, масъулин ва 10 нафар аъзои фаъоли ташкилоти ибтидоии болозикр доир карда шуд.

ҲАМАДОНӢ.  Дар деҳаҳои дурдасти ноҳияи Мир Сайид Алии Ҳамадонӣ Бузахона ва Чойлобкамар бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Гадоӣ Сайдалиев ва мутахассиси ҳамин шуъба Фирӯз Пиров бо сокинон вохӯрӣ баргузор гардид.

ТЕМУРМАЛИК. Дар асоси ҷадвали баргузори хонишҳои сиёсӣ дар ташкилоту муассисаҳо  вохӯрии навбатии кормандони Кумитаи иҷроияи ҲХДТ дар ноҳияи Темурмалик дар филиали «Амонатбонк»-и  ноҳия  дар  мавзӯъи  ташвиқу тарғиби самтҳои афзалиятноки фаъолияти ҲХДТ, инчунин дар масъалаи беҳтаргардонии хизматрасониҳои бонкӣ хониши сиёсӣ гузаронида шуд .