ВОСЕЪ. Бо мақсади иҷрои дастуру супоришҳои мақомоти болоии ҳизбӣ ва саҳм гузоштан дар пешгирии бемориҳои сироятӣ дар деҳаи Меҳрободи Ҷамоати деҳоти Гулистони ноҳияи Восеъ бо иштироки масъулини ҳизбӣ ва аъзои намояндагии  ТҶҶ “Созандагони Ватан” Аксияи ҳизбӣ таҳти унвони “Бе ниқоб набош” гузаронида шуд.

БОХТАР. Дар ташкилоти ибтидоии ҳизбии “Маркази фарҳангии ҷавонон” маҷлис ҷамъбастии ташкилотии мазкур доир гардид, ки дар он аъзо ва ҷонибдорони ҲХДТ, намояндаи Кумитаи иҷроияи ҲХДТ дар шаҳри Бохтар иштирок доштанд. Маҷлисро Сафаров Давлатёр директори Маркази фарҳангии ҷавонони шаҳри Бохтар  ҳусни оғоз бахшида, ҳайати корӣ ва рӯзномаи маҷлисро ба ҳозирин муаррифӣ намуд.

ХОВАЛИНГ. Кормандони Кумитаи иҷроияи ҲХДТ дар ноҳияи Ховалинг ҷиҳати ба мардум фаҳмонидани зарурат ва аҳамияти истифодаи сарфакоронаи қувваи барқ ва роҳҳои пешгирӣ аз бемории сироятии коронавирус дар деҳаҳои Шехмизон ва Ҷомбахти  Ҷамоати деҳоти Ҷомбахт ба тариқи “хона ба хона” суҳбат доир намуданд.

КӮШОНИЁН. Ба хотири бештар иттилоотонии мардум  ҷиҳати сарфакорона истифода бурдани қувваи барқ, муқовимат бо пандемияи коронавирус, вакили Маҷлиси намояндагони Маҷлиси Олии Ҷумҳурии Тоҷикистон бо  сокинону фаъолони Ҷамоати шаҳраки Бӯстонқалъаи ноҳияи Кӯшониён   вохӯрии судманд анҷом дод.