ҚУБОДИЁН. Кумитаи иҷроияи Ҳизби Халқии Демократии Тоҷикистон дар ноҳияи Қубодиён дар деҳаҳои Ҷамоати деҳоти ба номи Ишмурод Ниёзови ноҳияи Қубодиён бо иштироки муовини сардори ШВКД дар ноҳияи Қубодиён Қурбонзода Ҳоким, сардори фурӯши барқи ноҳия Сироҷов Давлатёр ва муовини раиси Кумитаи иҷроияи ҲХДТ дар ноҳияи Қубодиён Абдуллоев Ваҳобуддин бо сокинон  суҳбатҳо доир намуданд.

ВОСЕЪ. Тибқи нақшаи тасдиқнамудаи Кумитаи иҷроияи ҲХДТ дар ноҳияи Восеъ дар ташкилоти ибтидоии ҳизбии “Назорати давлатии санитарию эпидемиологӣ” маҷлиси ҳисоботӣ оид ба ҷамъбасти фаъолияти солонаи ташкилоти ибтидоӣ дар давоми соли 2020 гузаронида шуд.

Ш.ШОҲИН. Дар ташкилоти ибтидоии «Коммуналӣ» маҷлиси ҷамъбастии ташкилоти ибтидоӣ баргузор гардид. Дар маҷлис раиси ташкилоти ибтидоӣ, кормандони масъули Кумитаи иҷроияи ҲХДТ дар ноҳияи Шамсиддин Шоҳин  иштирок ва суханронӣ карданд.

ШАҲРИТУЗ.  Дар Ҷамоати деҳоти ба номи Худойназар Холматови ноҳияи Шаҳритуз  дар ҳамбастагӣ бо Мақомоти иҷроияи ҳокимияти давлатии ноҳияи Шаҳритуз бо риояи фосилаи иҷтимоӣ ва қоидаҳои беҳдоштию санитарӣ бо иштироки вакилони Маҷлиси намояндагони Маҷлиси Олии Ҷумҳурии Тоҷикистон Файзуллозода Зафар ва Холбойзода Неъмат  мулоқоту вохӯрӣ бо интихобкунандагон доир гардид.