ҶАЙҲУН. Масъулини Кумитаи иҷроияи Ҳизби Халқии Демократии Тоҷикистон дар ноҳияи Ҷайҳун дар ҳамбастагӣ бо кормандони Мақомоти иҷроияи маҳаллии ҳокимияти давлатии ноҳия ва кормандони масъули Идораи барқ дар деҳаи Зарнисори Ҷамоати шаҳраки Дӯстӣ ҷиҳати фаҳмонидани муҳтавои муроҷиатномаҳои Ҳукумати Ҷумҳурии Тоҷикистон ва ширкати “Барқи Тоҷик” оид ба истифодабарии сарфакоронаи неруи барқ, роҳ надодан ба талафоти зиёди неруи барқ, пардохти қарзи истифодаи он, андешидани тадбирҳо баҳри беҳтар гузаронидани мавсими зимистони дарпешистода суҳбату вохӯрӣ бо усули “хона ба хона” доир намуданд.
Зимни баргузории вохӯрӣ масъулин ба сокинон муроҷиатномаҳои Ҳукумати Ҷумҳурии Тоҷикистон ва ширкати “Барқи Тоҷик”-ро тақсимот намуданд.
