ҶАЙҲУН. Дар доираи ҷадвали баргузории маҷлисҳои ҷамъбастии ташкилотҳои ибтидоии ҳизбӣ дар ташкилоти ибтидоии «Шифо» бо иштироки раиси Кумитаи иҷроияи ҲХДТ дар ноҳияи Ҷайҳун Ҳасанзода Тағоимурод ва аъзои фаъоли ташкилоти ибтидоии мазкур маҷлиси ҷамъбастӣ доир гардид.
Сараввал раиси ташкилоти ибтидоии ҳизбии «Шифо» Аҳёем Маҳмадӣ оид ба рӯзномаи маҷлис аз фаъолияти ташкилоти ибтидоӣ дар соли 2020 ҳисобот дода, баъдан доир ба масъалаҳои мазкур қарорҳои дахлдор қабул намуданд.
Баъдан Ҳасанзода Тағоимурод мафҳум ва муҳтавои озмуни “Беҳтарин сарфакори барқ”-ро ба ҳозирин фаҳмонда, аз онҳо даъват ба амал овард, ки дар ин озмун фаъолона иштирок намоянд.
Дар охир масъулин оид ба ҳисоботи раиси ташкилот ва фаъолияти ташкилоти ҳизбӣ дар соли 2020 фикру андешаҳои худро изҳор намуда, баҳри боз ҳам беҳтару хубтар ба роҳ мондани корҳои ҳизбӣ дастуру ҳидоятҳо доданд.
