ЁВОН. Азимзода Толибхон Ситамурод вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатаи “Ёвон-29” зимни суханронӣ дар назди  фаъолони Ҷамоати деҳоти ба номи Гулсара Юсуфова иброз намуд, ки соли 2021 барои мардуми сарбаланду бошарафи тоҷик соли тақдирсоз ва басо гуворо аст, зеро ки имсол мо ҷашни бошукӯҳу таърихии 30- солагии Истиқлолияти давлатиро ҷашн мегирем.

ДАНҒАРА. Дар асоси нақшаи тасдиқнамудаи Мақомоти иҷроияи ҳокимияти давлатии ноҳияи Данғара  дар Донишгоҳи давлатии Данғара  вохӯрии вакили Маҷлиси намояндагони Маҷлиси Олии Ҷумҳурии Тоҷкистон Абдулхолиқзода Лутфия  бо фаъолон ва  интихобкунандагон баргузор гардид.

ВОСЕЪ. Бо мақсади иҷрои дастуру супоришҳои мақомоти болоии ҳизбӣ ва саҳм гузоштан дар пешгирии бемориҳои сироятӣ дар деҳаи Меҳрободи Ҷамоати деҳоти Гулистони ноҳияи Восеъ бо иштироки масъулини ҳизбӣ ва аъзои намояндагии  ТҶҶ “Созандагони Ватан” Аксияи ҳизбӣ таҳти унвони “Бе ниқоб набош” гузаронида шуд.

БОХТАР. Дар ташкилоти ибтидоии ҳизбии “Маркази фарҳангии ҷавонон” маҷлис ҷамъбастии ташкилотии мазкур доир гардид, ки дар он аъзо ва ҷонибдорони ҲХДТ, намояндаи Кумитаи иҷроияи ҲХДТ дар шаҳри Бохтар иштирок доштанд. Маҷлисро Сафаров Давлатёр директори Маркази фарҳангии ҷавонони шаҳри Бохтар  ҳусни оғоз бахшида, ҳайати корӣ ва рӯзномаи маҷлисро ба ҳозирин муаррифӣ намуд.