Н.ХУСРАВ. Бо кормандони сохтори тандурустии ноҳияи Носири Хусрав вохӯрии вакили Маҷлиси намояндагони Маҷлиси Олии Ҷумҳурии Точикистон баргузор гардид.
Вакили Маҷлиси намояндагони Маҷлиси Олии Ҷумҳурии Тоҷикистон Холбойзода Неъматулло ба интихобкунандагон оид ба фаъолияти худ дар Маҷлиси намояндагони Маҷлиси Олии Ҷумҳурии Тоҷикистон, қабули қонунҳо, тасдиқи созишномаҳо ва дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба истифодаи самаранок ва сарфакоронаи неруи барқ, пардохти саривақтии ҳаққи истифодаи он, пешгирӣ ва муқовимат бо пандемияи коронавирус андешаронӣ карда, аз табибон даъват ба амал овард, ки бо мардум наздик шуда, корҳои фаҳмондадиҳиро ҷиҳати пешгирии бемориҳои сироятӣ ҷоннок намоянд.
Сипас, дар рафти вохӯрӣ дигар паҳлуҳои масъалаҳои мубрами рӯз мавриди баррасӣ қарор дода шуда, аз ҷониби вакили мардумӣ ба суолҳои интихобкунандагон ҷавобҳои қаноатбахш гардонида шуд.
