ҚУБОДИЁН. Бо ташаббуси Кумитаи иҷроияи ҲХДТ дар ноҳияи Қубодиён ва дастгирии ташкилоти ибтидоии ҳизбии “Ниҳолпарвар”, маъракаи ниҳолшинонӣ бахшида ба 30-солагии Истиқлолияти давлатӣ ҷараён гирифт, ки дар он  муовини раиси Кумитаи иҷроияи ҲХДТ дар ноҳияи Қубодиён Абдуллоев Ваҳобиддин иштирок намуд.

ДАНҒАРА. Бо мақсади сарсабзу хуррам гардонидани як гӯшаи диёрамон дар Ҷамоати шаҳраки Данғара дар  кӯчаи марказӣ ва  дар назди бинои Раёсати молия бо иштироки васеи кормандони ташкилоти ибтидоии “Раёсати молия” ва кормандони Кумитаи иҷроияи ҲХДТ дар ноҳияи Данғара Аксияи  ҳизбии “Ниҳолшинонӣ” баргузор гардид.

ДӮСТӢ. Бо ибтикори  раиси ташкилоти ибтидоии ҳизбии  деҳаи “Шаҳдрез” ва вакили Маҷлиси вакилони халқи ноҳияи Дӯстӣ бахшида ба истиқболи 30-солагии Истиқлолияти давлатӣ дар доираи Аксияи ҳизбӣ таҳти унвони “Якҷоя месозем!” боз ду синфхонаи иловагӣ дар  муассисаи таҳсилоти миёнаи умумии №43 қомат афрохта истодааст.

ВАХШ. Дар Ҷамоати шаҳраки Киров дар  деҳаи Мардатсойи ноҳияи Вахш бо иштироки мудири шуъбаи кор бо занони Кумитаи иҷроияи ҲХДТ дар ноҳияи Вахш Салимова Сабоҳат, муовини раиси Ҷамоати шаҳраки Киров З.Абдуллоева, намояндаи шуъбаи маорифи ноҳия Т. Расулова бо занону духтарон ва фаъолони маҳалла вохӯрӣ баргузор гардид.