ВОСЕЪ. Дар Ҷамоати деҳоти Тугараки ноҳияи Восеъ вохӯрии вакили Маҷлиси намояндагони Маҷлиси Олии Ҷумҳурии Тоҷикистон Латифзода Рустам бо сокинони ноҳияи Восеъ баргузор гардид.
Дар вохӯрии мазкур аз ҷониби вакил масъалаҳои оид ба сарфакорона истифода бурдани неруи барқ, истифодаи самараноки заминҳои наздиҳавлигӣ ва пешгирии бемориии сироятии коронавирус мавриди баррасӣ қарор гирифт.
Ҳамзамон, аз ҷониби масъулини ҳизбӣ ба иштирокдорон озмуни ҳизбии “Беҳтарин сарфакори неруи барқ”-ро, ки бо мақсади ҳавасманд намудани сокинон ва саҳм гузоштан дар сарфаи неруи барқ таҳия шудааст, фаҳмонида шуд ва масъулин ҷиҳати иштирок дар ин озмун аз сокинон даъват ба амал оварданд.
