ХУРОСОН. Дар доираи ҷадвали баргузории вохӯриву мулоқот дар корхона, муассиса, ташкилот ва деҳаю маҳаллаҳои ноҳияи Хуросон бо иштироки муовини раис-мудири шуъбаи ташкилӣ ва баҳисобгирии Кумитаи иҷроияи ҲХДТ дар ноҳияи Хуросон Азизова Сабоҳат дар ташкилоти ибтидоии «Ҷангал» хониши сиёсӣ вобаста ба самтҳои афзалиятноки фаъолияти ҲХДТ баргузор гардид.

ҲАМАДОНӢ. Кормандони масъули Кумитаи иҷроияи ҲХДТ дар ноҳия Гадоӣ Сайдалиев, Моҳира Одинаева, Саидҷалол Ҷалилов ва Шарифзода Сафаралӣ  дар якҷоягӣ бо омӯзгорону фаъолон ва аъзои фаъоли намояндагии ТҶҶ «Созандагони Ватан» дар  деҳаи Пушкини ҷамоати деҳоти  Қаҳрамони ноҳияи Мир Сайид Алии Ҳамадонӣ вохӯрӣ гузарониданд.

ПАНҶ. Бо ташаббуси масъулони Кумитаи иҷроияи ҲХДТ дар ноҳияи Панҷ бо аъзо ва фаъолони ташкилоти ибтидоии “Бойторӣ” хониши сиёсӣ баргузор гардид. Дар хониши сиёсӣ мудири шуъбаи таблиғот, иттилоот ва матбуоти  Кумитаи иҷроияи ҲХДТ дар ноҳия Шомаҳмадзода Музаффар, мудири шуъбаи ташкилӣ ва баҳисобгирӣ Ҳошимов Тоҳир иштирок ва суханронӣ намуданд.

Н. ХУСРАВ. Намояндагии  ТҶҶ “Созандагони Ватан” дар ноҳия тибқи нақшаи тасдиқгардида бо иштироки васеъи ҷавонони ҷамоати деҳоти Наврӯзи  маҳаллаи Сангоба вохӯрӣ баргузор намуд.