ШАҲРИТУЗ. Бо мақсади иҷрои ҷадвали баргузории вохӯрию мулоқот дар корхона, муассиса, ташкилот ва деҳаю маҳалаҳои ноҳияи Шаҳритуз дар нимсолаи дуюми соли ҷорӣ дар деҳаи Сайёди ҷамоати деҳоти ба номи Талбак Садриддинови  ноҳия бо иштироки мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Шаҳритуз Абдуллоева Шоира вохӯрӣ бо сокинон доир гардид.

Н.ХУСРАВ. Тибқи  ҷадвали  тасдиқгардида  дар   ташкилоти  ибтидоии  ҳизбии  “Маорифчиён” бо  иштироки  васеъи  фаъолон, аъзо ва ҷонибдорони  ҲХДТ хониши  сиёсӣ  дар  мавзӯъи  “Баланд  бардоштани  огоҳии  мардум  дар  мавриди  хатари  террориму экстремизм бо  мақсади  пешгирӣ  аз  ҷалби  шаҳрвандон ба  ташкилотҳои  экстремистӣ”  баргузор гардид.

ҲАМАДОНӢ. Кормандони масъули Кумитаи иҷроияи ҲХДТ дар ноҳия Гадоӣ Сайдалиев, Фирӯз Пиров ва Саидҷалол Ҷалилов бо аҳолии деҳаи Панҷоби ҷамоати деҳоти Панҷоб вохӯрӣ гузарониданд.

Онҳо сараввал бо ҳунарҳои мардумии  чирадастони деҳаи Панҷоб шинос шуда, ба онҳо баҳои баланд доданд.

ПАНҶ.Бо мақсади сазовор истиқбол намудани Соли рушди сайёҳӣ ва ҳунарҳои мардумӣ, бо натиҷаҳои назаррас ҷамъбаст намудани Соли тақвияти робита бо маҳал ва дар ин росто ҳавасманд гардонидани ташкилотҳои ҳизбӣ озмунҳои “Беҳтарин намоиши ҳунарҳои мардумӣ», «Армуғони хатлонӣ», «Маликаи Хатлон», «Тарроҳи беҳтарин» ва «Беҳтарин доиркунандаи чорабиниҳо дар сатҳи маҳал» эълон шудааст.