ҲАМАДОНӢ. Гурӯҳи кории Мақомоти иҷроияи ҳокимияти давлатии ноҳияи Мир Сайид Алии Ҳамадонӣ бо роҳбарии узви Кумитаи иҷроияи вилоятӣ ва ноҳиявии ҲХДТ, раиси ноҳия Одиназода Бозоралӣ Неъмат дар муассисаи таҳсилоти миёнаи умумии №2 бо сокинони Ҷамоати шаҳраки Москва оид ба шарҳу тавзеҳи Паёми Пешвои миллат, Президенти кишвар муҳтарам Эмомалӣ Раҳмон ба Маҷлиси Олии мамлакат вохӯрӣ гузарониданд.

ФАРХОР. Бахшида ба 28-солагии таъсисёбии Рӯзи Артиши миллӣ дар Китобхонаи марказии ноҳияи Фархор Конференсияи илмӣ - фарҳангӣ бо иштироки аъзои намояндагии ТҶҶ “Созандогони Ватан” баргузор гардид. Дар кори Конференсия ҳамчунин шоирон ва устодони муассисаҳои таълимии ноҳия иштирок ва суханронӣ намуданд.

ТЕМУРМАЛИК. Дирӯз дар ташкилоти ибтидоии ҳизбии “Беморхонаи Кангурт”-и Ҷамоати деҳоти Кангурт кормандони масъули Кумитаи иҷроияи ҲХДТ дар ноҳияи Темурмалик оид ба баррасии Паёми Асосгузори сулҳу ваҳдати миллӣ - Пешвои миллат, Раиси муаззами Ҳизби Халқии Демократии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вохӯрӣ баргузор намуданд.

НОРАК. Бо ташаббуси Кумитаи иҷроияи ҲХДТ дар шаҳри Норак дар доираи Аксияи ҳизбӣ таҳти унвони “Ниёзмандон ҳамеша зери таваҷҷуҳи ҲХДТ қарор доранд!” ба ду оилаи сарбозони шуҷои Ватан ки ҳангоми адои хизмати Ватан-Модар ҷони худро нисор кардаанд,  кумак карда шуд.