ҲАМАДОНӢ. Бо ибтикори Кумитаи иҷроияи ҲХДТ дар ноҳияи Мир Сайид Алии Ҳамадонӣ дар маҳаллаи Ваҳдати Ҷамоати шаҳраки Москва Аксияи ҳизбии “Якҷоя ҳал мекунем!”  бахшида ба санаҳои муҳими таърихӣ Рӯзи таъсисёбии Артиши миллӣ ва Наврӯзи байналмилалӣ  корҳои ободониву созандагӣ  ва сабзу хуррамгардонии як гӯшаи диёр роҳандози гардид.

ҶАЙҲУН. Бо ибтикори кормандони масъули Кумитаи иҷроияи ҲХДТ дар ноҳияи Ҷайҳун ва дар ҳамбастагӣ бо шуъбаи Агентии меҳнат ва шуғли аҳолӣ намоиши ҳунарҳои дастии занон баргузор гардид. Дар намоиши ҳунарҳои мардумӣ занону ҷавонон ҳунарҳои худро аз қабили гулу гулдӯзӣ, зардӯзӣ, ҷӯроббофӣ, мӯҳрабофӣ, кокулбофӣ ва дигар намудҳои ҳунарҳои дастии ҳунармандон ба маъраз гузоштанд.

ФАРХОР. Масъулини Кумитаи иҷроияи ҲХДТ дар ноҳияи Фархор дар якҷоягӣ бо волонтёрон ва аъзои намояндагии ТҶҶ “Созандагони Ватан”-и ноҳия ҷиҳати тарғиби тарзи ҳаёти солим, аз ҷумла пешгирии паҳншавии пандемияи  COVID-19 ва самаранок истифодабарии заминҳои наздиҳавлигӣ дар Ҷамоати шаҳраки Фархор дар доираи Аксияи ҳизбии “Солимии миллат боигарии давлат” бо усули “хона ба хона” гардиш доир намуданд.

АНДЕША. Паёми имсолаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар як даврае ироа гардид, ки тамоми мардуми шарифи кишвар ба муносибати сазовор истиқбол гирифтани санаи муҳиму воқеан таърихии миллӣ, 30 -юмин солгарди Истиқлолияти давлатии Ҷумҳурии Тоҷикистон омодагии ҳамаҷониба дида истодаанд.