Ш.ШОҲИН. Аъзои ташкилоти ибтидоии ҳизбии «Коммуналӣ» баҳри сазовор истиқбол намудани Наврӯзи байналмилалӣ чорабинии ҳизбиро тахти унвони “Тозагии маҳал масъулияти баланд аст” доир карда, ба кӯчаҳои шаҳрак баромада, гирду атроф ва роҳравҳоро аз партовҳо тоза намуда, саҳми хешро дар тозаву озода нигоҳ доштани як гӯшаи диёр гузоштанд.

ДӮСТӢ. Тибқи нақшаи кории ҳизбиён  оид ба  гузаронидани мусобиқаҳои варзишӣ ва  бахшида ба сазовор пешвоз гирифтани Наврӯзи аҷам дар байни ҷавонони деҳаи Қубодиён ва аъзои намояндагии ТҶҶ "Созандагони Ватан" мусобиқаи волейбол баҳри баланд бардоштани маърифатнокии ҷавонон дар деҳотҷойҳо баргузор гардид.

ҶАЙҲУН. Оид ба  шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” бо иштироки гурӯҳи тарғиботии назди Кумитаи иҷроияи ҲХДТ дар ноҳияи Ҷайҳун  дар Қасри фарҳанги Ҷамоати  шаҳраки Дӯстӣ бо аъзои ташкилотҳои ибтидоии ҳизбии “Балхӣ”, “Мирсаид Миршакар”, “Шоҳин”, “Баҳор”, “Б.Марвазӣ” ва “Спитамен” вохӯрӣ баргузор гардид.

ҶАЙҲУН. Суҳбату мулоқот оид ба истифодаи самараноки заминҳои кишоварзӣ миёни саҳмдорони  хоҷагиҳои деҳқонии инфиродӣ  бо иштироки кормандони  Кумитаи иҷроияи ноҳиявии ҳизб ва ҷалби мутахассисони соҳа дар деҳаи ба номи Сайдалӣ Вализодаи Ҷамоати деҳоти Ваҳдати миллии ноҳияи Ҷайҳун  баргузор гардид.