ДАНҒАРА. Дар доираи Солҳои рушди деҳот, сайёҳӣ ва ҳунарҳои мардумӣ Миралиён Қиёмиддин Абдусалимзода дар сафари кории худ ба ноҳияи Данғара, дар ҷамоати шаҳраки Данғара дар маҳаллаи №8 аз кору фаъолияти як бонуи ҳунарманд, Турақулова Сурмахол шинос гардид.
Дар ҷараёни сафари корӣ муовини раиси ноҳияи Данғара Файзиддинзода Бунафша ва раиси Кумитаи иҷроияи ҲХДТ дар ноҳияи Данғара Каримзода Пирмуҳаммад Миралиён Қиёмиддинро ҳамроҳӣ намуда, баъди шиносоӣ аз ҳунару истеъдоди ин бонуи ҳунар дидан кард. Миралиён Қиёмиддин дар суҳбат бо Турақулова Сурмахол барои боз ҳам рушд додани анъанаҳои неки ниёгон, аз ҷумла ҳунарҳои мардумӣ, ҷалби насли наврасу ҷавон ба омӯзишӣ ҳунармандӣ тавсияҳои судманд дод.
