ЛЕВАКАНТ. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар шаҳри Левакант аз китобхонаи деҳотии деҳаи Гулистони Ҷамоати деҳоти Гулистон дидан намуда, бо аъзои китобхона вобаста ба нақши китобу китобхонӣ дар таҳкими тафаккури маънавию зеҳнии инсон суҳбат намуданд.
Дар суҳбат қайд гардид, ки имрӯзҳо шумораи аъзои китобхона беш аз 300 нафарро дар бар гирифта, бештари онҳоро ҷавонон ва наврасони синни мактабӣ ташкил медиҳанд.Барои мо хурсандиовар аст, ки як нафар аз аъзои фаъоли китобхонаи мо дар даври шаҳрии озмуни ҷумҳуриявии “Фурӯғи субҳи донои китоб аст” ғолиб баромада, барои иштирок ба даври вилоятӣ роҳхат гирифт. Ин озмун бешак дар ҳавасманд гаштани мардум ба китобхонӣ, аз ҷумла насли наврас нақши муҳим бозид. Инро мо аз омаду рафти ҳамарӯзаи аъзои китобхона эҳсос мекунем.
