ВАХШ. Тибқи ҷадвали баргузории мулоқоту вохӯриҳои Кумитаи иҷроияи ҲХДТ дар ноҳияи Вахш дар ташкилоти ибтидоӣ « 20-солаги Истиқлолият» бо сокинони маҳалла вохӯрии судманд доир гардид.
Дар вохӯрӣ мудири шуъбаи таблиғот, итилоот ва матбуоти Кумитаи иҷроияи ҲХДТ дар ноҳияи Вахш Камолов Сафаралӣ ва мутахассиси ҳамин шуъба Негматов Азизулло иштирок доштанд.
Масъулин зимни баргузории вохӯрӣ оид ба тарғиби фарҳанги либоспӯшии миллӣ баромад намуда, зикр карданд, ки халқи тоҷик фарҳанги қадима ва ғании либоспӯшӣ дорад, ки тӯли таърих аз насл ба насл ба мо ба мерос мондааст. Ҳар фарде, ки аз Ватану ватандорӣ ҳарф мезанад, пеш аз ҳама бояд аз фарҳанги миллии худ баҳравар бошад. Аз ҷумла, либос, ки муаррифгари фарҳанги миллат аст. Либоси миллӣ аз як ҷиҳат ба ҳусну ҷамоли бонувон зеб диҳат, аз ҷиҳати дигар ба иқтисоди оилавии онҳо манфиати хуб мерасонад.
Аз ин рӯ, моро зарур аст, ки барои ҳифзи асолати он, тарғиби арзишҳои миллӣ ва худшиносии миллӣ тадбирҳои саривақтӣ андешем ва суннатҳои неки ниёгонамонро аз нав эҳё намоем.
