Н.ХУСРАВ. Дар доираи Соли шинохти бештари манфиатҳои миллӣ. Вобаста ба пешгирии паҳншавии бемории коронавирус, ҳамарӯза суҳбату вохӯриҳо бо усули «хона ба хона» ва дар саҳро бо саҳмдорони хоҷагиҳои деҳқонӣ оид ба хуруҷи марҳилаи дуюми бемории сироятии короновирус, ҳамчунин истифодаи оқилонаи ҳар як ваҷаб замин ва захираи маҳсулоти кишоварзӣ барои ду соли оянда баргузор гардида истодааст.
Дар суҳбат аъзои гурӯҳи корӣ ба сокинони деҳаи Баҳори Ҷамоати деҳоти Фирӯза ҳолатҳои пешгирӣ аз ин бемории сироятиро фаҳмонида, қайд намуданд, ки роҳи ягонаи пешгирии паҳншавии бемориҳои сироятӣ пӯшидани ниқобҳои тиббӣ ва риояи қоидаҳои беҳдоштӣ мебошад, барои ин пеш аз ҳама ба қоидаҳои беҳдошти оила, пӯшидани ниқобҳои тиббӣ, шустани дастон бо собун ва дигар қоидаҳои гигиенаи шахсӣ ҷиддӣ муносибат намоем. Ҳамчунин, дар идома вобаста ба истифодаи дурусту оқилонаи ҳар як ваҷаб заминҳои наздиҳавлигӣ, заминҳои президентӣ, гузаронидани кишти такрорӣ ва рӯёнидани ҳосили дилхоҳ андешаронӣ карда шуда, сокинон ба захираи маводи озуқаворӣ раҳнамоӣ карда шуданд.
Дар охир ба ҳамагон ба як миқдор муайян маҳлули хлор, 146 адад варақаҳои иттилоотӣ ва 135 дона ниқобҳои муҳофизатӣ дастрас карда шуд.
