ЛЕВАКАНТ. Суҳбату вохӯриҳои кормандони Кумитаи иҷроияи Ҳизби Халқии Демократии Тоҷикистон дар шаҳри Левакант бо усули “хона ба хона” миёни аҳолӣ идома дошта, зимни баргузории чорабиниҳои масъалаҳои истифодаи сарфакоронаи қувваи барқ, риояи қоидаҳои гигиенаи шахсию беҳдоштӣ ба хотири пешгирии бемориҳои мавсимии сироятӣ ва бемории хавфноки коронавирус мавриди гуфтугӯ қарор мегирад.
Инчунин, масъулин ба аҳолӣ нусхаи Муроҷиатномаи Ҳукумати Ҷумҳурии Тоҷикистонро ба мардуми кишвар оид ба самараноку сарфакорона истифода намудани неруи барқ дастрас намуда, онҳоро ба дарки дурусти масъала, ки ҳадафи асосӣ бемаҳдудият паси сар кардани зимистону баҳори дарпешистода мебошад, даъват намуданд.
