Н.ХУСРАВ. Дар доираи Соли шинохти бештари манфиатҳои миллӣ. Аъзои Гурӯҳи таблиғотии назди Кумитаи иҷроияи ҲХДТ дар ноҳияи Носири Хусрав ва зергурӯҳи ҳудуди Ҷамоати деҳоти Истиқлол бо кормандони саҳро дар деҳаи Лолазор ва бо саҳмдорони хоҷагиҳои деҳқонии ҳудуди деҳа оид ба интихоботи Президенти Ҷумҳурии Тоҷикистон суҳбату мулоқотҳо баргузор намуданд.
Зимни суханронӣ аъзои гурӯҳи тарғиботӣ ба интихобкунандагон Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмонро дар ҳафт соли оянда фаҳмонида дода, аз интихобкунандагон даъват ба амал оварданд, ки дар маъракаи муҳими сиёсӣ-интихоботи Президенти Ҷумҳурии Тоҷикистон иштироки фаъолона карда, мавқеи худро муайян намоянд.
