ВОСЕЪ. Дар доираи Соли шинохти бештари манфиатҳои миллӣ. Вобаста ба Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмон, бо интихобкунандагон аъзои гурӯҳи таблиғотӣ ва кормандони Кумитаи иҷроияи ҲХДТ дар ноҳияи Восеъ дар деҳаи Навкорами Ҷамоати деҳоти ба номи М.Вайсов мулоқот баргузор намуданд.
Зимни мулоқот узви гурӯҳи таблиғотӣ оид ба тарғибу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмон ибрози андеша намуда, қайд карданд, ки шаффофияти интихобот дар он аст, ки ҳар як шахс, ки худро шаҳрванди Ҷумҳурии Тоҷикистон меҳисобад, бетарафӣ зоҳир накарда, бояд дар рӯзи интихобот фаъолона иштирок намояд ва бо ин васила қарзи шаҳрвандии худро адо кунад.
