ҶАЙҲУН. Дар доираи Соли шинохти бештари манфиатҳои миллӣ. Ҳамарӯза вохӯриҳои гурӯҳҳои таблиғотиву ташвиқотии назди Кумитаи иҷроияи ҲХДТ дар ноҳияи Ҷайҳун доир ба таблиғу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон Эмомалӣ Раҳмон дар ҳудуди ноҳия бо интихобкунандагон бо маром баргузор гардида истодааст.
Ин навбат вохӯрӣ бо интихобкунандагони деҳаи Кӯҳдоман баргузор гардид. Дар вохӯрии мазкур масъулин атрофи мавзӯи дар боло овардашуда баромад намуда, аз ҷониби иштирокчиён низ изҳори миннатдорӣ нисбати Асосгузори сулҳу ваҳдати миллӣ-Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон баён гардида, онҳо иброз доштанд, ки рӯзи 11 октябри соли равон ҳама якҷоя дар интихоботи Президенти Ҷумҳурии Тоҷикистон иштирок намуда, ба тарафдории номзади арзандаи Ҳизби Халқии Демократии Тоҷикистон муҳтарам Эмомалӣ Раҳмон овоз медиҳанд.
