ФАРХОР. Дар доираи Соли баланд бардоштани масъулияти шаҳрвандӣ. Мулоқоти навбатии кормандони Кумитаи иҷроияи ҲХДТ дар ноҳияи Фархор дар ташкилоти ибтидоии «Бозори марказӣ» бо аъзо ва ҷонибдорони ҳизб баргузор гардид.
Масулин оид ба самтҳои афзалиатноки фаъолияти ҲХДТ, аз ҷумла ҷалби сокинон ба соҳибкорӣ, хоҷагидорию кишоварзӣ ва корҳои хонагию ҳунарҳои мардумӣ ба хотири паст кардани шиддати бекорӣ ва фаро гирифтани сокинон бо шуғл баромад намуданд.
Инчунин, дар ин раванд дигар паҳлуҳои ҳадафҳои созандаи ҲХДТ мавриди баррасӣ қарор дода шуда, сокинон вохӯрии судмандро якдилона дастгирӣ карданд.
Дар доираи Аксияи ҳизбии «Якҷоя ҳал мекунем!» барои таъмири манзили истиқоматии як нафар шахси ниёзманди ҷомеа, ки мавриди сӯхтор қарор гирифта буд, кӯмак расонида шуд.
