ҶАЙҲУН. Бо ташабуси Кумитаи иҷроияи ҲХДТ дар ноҳияи Ҷайҳун дар ташкилоти ибтидоии «Дӯстӣ»-и Ҷамоати шаҳраки Дӯстӣ доир ба самтҳои афзалиятноки фаъолияти ҲХДТ, таҳдидҳои ҷаҳони муосир ва қисмати амалии Аксияи ҳизбӣ таҳти унвони «Якҷоя ҳал мекунем!» хониши сиёсӣ баргузор гардид.
Дар он кормандони масъули Кумитаи иҷроияи ҲХДТ дар ноҳия иштирок карданд.
Онҳо қайд доштанд, ки падидаи возеҳи муосири ҷаҳонишави ба ақидаи баъзе олимон «натиҷаи револютсияи иттилооти – телекоммуникатсиони», ба вуҷуд омадани «тамаддуни нави умумиҷаҳони» ба ҷои «ҷаҳони аврупоитабор» маҷсуб меёбад. Зери мафҳуми глобализатсия васеъшавӣ ва ҷафстаршавии муносибатҳои иҷтимои ва ниҳодҳо, дар фазо ва вақт фаҳмида мешавад. Ҷаҳонишавӣ тақозо менамояд, ки аксари муносибатҳои иҷтимоӣ, иқтисодӣ маданӣ ва сиёсӣ характери умумиҷаҳони касб намоянд.
