ШАҲРИТУЗ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Боғҷида”-и ҷамоати деҳоти Пахтаободи ноҳияи Шаҳритуз хониши сиёсӣ баргузор гардид.
Масъулини дар рафти ҷамъомад дар бораи самтҳои афзалиятноки фаъолияти ҳизб, ҳадафҳои асосии сиёсати дохилӣ ва берунии кишвар ва эълон шудани солҳои 2019-2021 Солҳои рушди деҳот, сайёҳӣ ва ҳунарҳои мардумӣ, баргардонидани 84 шаҳрвандони ноболиғи тоҷик аз маҳбасҳо ва урдугоҳҳои давлати Ироқ, вохӯрии Пешвои миллат бо кормандони соҳаҳои молия, андоз ва гумруки кишвар ба хотири ба вуҷуд омадани мафкураи зиддикоррупсионӣ дар аҳолӣ, ҳамкорӣ бо мақомоти давлатӣ дар самти ошкор кардани ҷиноятҳои хусусияти иқтисодидошта, андешаронӣ карда шуд.
Ҳамзамон, бо мақсади баланд бардоштани масъулияти шаҳрвандӣ Аксияи ҳизбӣ таҳти унвони «Якҷоя ҳал мекунем!» роҳандозӣ гардида, муассисаи таҳсилоти миёнаи умумии №40 як бинои дуошёнагӣ иборат аз 10 синфхона сохтмонаш оғоз ёфт.
