ДАНҒАРА. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “кӯчаи К. Қурбонов” – и ҷамоати шаҳраки Данғара хониши сиёсӣ оид ба самтҳои афзалиятноки фаъолияти ҳизбӣ баргузор гардид.
Масъулини ҳизбӣ зимни суҳбат атрофи саҳмгузории дастаҷамъона дар корҳои ободонӣ, созандагӣ ва бунёдкорӣ дар доираи Аксияи ҳизбии “Якҷоя ҳал мекунем!” ҷиҳати истиқболи сазовори 30-солагии Истиқлолияти давлатӣ, эҳё ва рушди ҳунарҳои мардумӣ бахшида ба эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ, талаботи санадҳои меъёрӣ-ҳуқуқӣ, аз ҷумла Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” андешаронӣ карданд.
Сипас, байни иштирокчиён ва кормандони масъули ҳизби оид ба самтҳои гуногуни равандҳои дохилию берунии сиёси суҳбату гуфтугузорҳои судманд сурат гирифт.
