ҶАЙҲУН. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии «Баҳор»-и Ҷамоати шаҳраки Дустии ноҳияи Ҷайҳун таҳти унвони «Паём замина барои рушду нумӯм минбаъдаи кишвар» чорабинии таблиғотии ҳизбӣ баргузор карда шуд.
Дар рафти чорабини масъулини ҳизбӣ қайд карданд, ки дар Паёми Президенти Ҷумҳурии Тоҷикистон ба Маҷлиси Олии мамлакат роҷеъ ба масъалаҳои муҳим аз қабили касбомӯзӣ ва шуғли аҳолӣ, нақши ҷавонон дар пешрафти Ватан, дастовардҳои варзишгарони кишвар, ҳолатҳои коррупсионӣ бобати истифодаи замин, ба хизмати давлатии мақомотҳои худидоракунии шаҳраку деҳот ҷалб намудани шахсони донову ботаҷриба, риояи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», авҷ гирифтани терроризму экстремизм ва таъмиру таҷдид ва нигоҳдории роҳҳои дохилишаҳриву байниноҳиявӣ ва шаҳраку деҳот сухан рафта аз шаҳрвандон, бахусус аз ҳизбиён даъват шудааст, бо заҳмату фаъолияти аҳлонаи дар оянда мушкилоти ҷомеа ва давлатамонро бартараф карда ба мардум шароити боз ҳам беҳтару хубтарро таъмин созем.
