ПАНҶ. Дар доираи Соли баланд бардоштани масъулияти шаҳрвандӣ. Бо мақсади тарғибу ташвиқи ҳадафҳои созандаи ҲХДТ оид ба татбиқи қисмати амалии Аксияи ҳизбии «Якҷоя ҳал мекунем!» вохӯриву мулоқотҳо бо сокинон бомаром идома ёфта истодаанд.
Зимни суҳбату вохӯриҳо масъулини Кумитаи иҷроияи ҳизби ноҳия оид ба Паёми Пешвои миллат, эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ ва моҳияти Аксияи ҳизбӣ андешаронӣ намуда, ҷамъомадагонро барои анҷом додани корҳои хайру сахо ва созандагиву бунёдкорӣ ба хотири боз ҳам ободу зебо шудани Ватани азизамон ҳидоят менамоянд. Чунин як вохӯрӣ дар маҳаллаи Сармантой 1-и Ҷамоати деҳоти Озодагон багузор гардида, сокинон роҳҳои дохили маҳалларо сангфарш ва асфалтпӯш намуданд.
