БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Фарҳанги шаҳр” оид ба самтҳои афзалиятноки фаъолияти ҲХДТ хониши сиёсӣ доир гардид.
Ҳангоми баромад намояндагони Кумитаи иҷроияи ҲХДТ дар шаҳри Бохтар таъкид доштанд, ки нақши кормандони шуъбаи фарҳанг дар баргузории чорабиниҳои гуногунсатҳ назаррас аст. Аз ин рў, ҳар як узви ташкилоти ибтидоиро лозим аст, бо рафтору кирдони намунавии худ дар ҷомеа кору фаъолият намуда, дар баланд бардоштани маърифатнокии мардум саҳми арзанда гузоранд.
Инчунин, дар идома байни иштирокчиён ва кормандони масъули ҳизбӣ оид ба самтҳои гуногуни равандҳои дохилию берунии сиёсӣ суҳбату гуфтугузорҳои судманд сурат гирифт.
