ДАНҒАРА. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “деҳаи Чаманоро”-и ҷамоати деҳоти Лолазори ноҳияи Данғара оид ба самтҳои афзалиятноки фаъолияти ҳизбӣ хониши сиёсӣ баргузор гардид.
Дар чорабинӣ Каримов Пирмуҳаммад раиси Кумитаи иҷроияи ноҳиявӣ атрофи мавзӯъҳои дастаҷамъона саҳмгузорӣ дар тезонидани корҳои ободониву созандагӣ дар доираи Аксияи ҳизбии “Якҷоя ҳал мекунем!” ҷиҳати истиқболи сазовори 30- солагии Истиқлолияти давлатӣ, татбиқи самараноки барномаҳои созандагии рушди маҳал ва деҳот, шукргузорӣ аз Ваҳдату Истиқлолияти Ватан, ҷалби занону бонувон барои касбомӯзӣ, таъсиси сехҳои дӯзандагӣ барои занони хонашин, пешгирии ҷудошавии оилаҳои ҷавон, эҳёи ҳунарҳои мардумӣ, сохтмони марказҳои саломиатӣ аз тарафи соҳибкорони деҳа, таъмир ва аз навсозии мактабҳои замонавӣ дар деҳа, пешгирии шомилшавии ҷавонон ба ҳизбу ҳаракатҳои номатлуб, суҳбат намуда, ҳамагонро ба корҳои ободониву созандагӣ даъват кард.
