КӮШОНИЁН. Дар доираи Соли баланд бардоштани масъулияти шаҳрвандӣ. Ҷиҳати омодагиҳо ба Рӯзи Ваҳдати миллӣ намояндагони Кумитаи иҷроияи ҲХДТ дар ноҳияи Кӯшониён дар ташкилоти ибтидоии “Навобод”-и Ҷамоати деҳоти Навбаҳори ноҳияи Кӯшониён бо аъзо ва ҷонибдорони ҲХДТ вохӯрӣ доир намуданд.
Дар вохӯрӣ масъулин қайд карданд, ки кулли комёбиҳои ин даврон туфайли сулҳу ваҳдат даст дода, ин неъмати бебаҳо бояд ҳифзу гиромӣ дошта шавад.
Инчунин, оид ба омодагиҳо ба ҷашни 30-солагии Истиқлолиятидавлатӣ, солҳои 2019-2021 “Солҳои рушди деҳот, сайёҳӣ ва ҳунарҳои мардумӣ”, риояи талаботи қонунҳои миллӣ ва саҳмгузорӣ дар корҳои ободонӣ, зебогардонӣ ва созандагӣ дар доираи Аксияи тарғиботӣ-амалии ҳизбӣ таҳти унвони “Якҷоя ҳал мекунем!” андешаронӣ намуданд.
