ТОҶИКИСТОН ДАР САТҲИ ҶАҲОНӢ ОБРӮВУ НУФУЗИ БАЛАНДРО СОҲИБ АСТ

БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «МНДЭС”-и шаҳри Бохтар маҷлиси  ҳизбӣ оид ба самтҳои афзалиятноки фаъолияти ҲХДТ доир карда шуд.

Дар вохӯрӣ намояндагони Кумитаи иҷроияи  шаҳрӣ  иштирок дошта, доир ба пешгирии ҷавонону наврасон аз шомилшавӣ ба ҳизбу ҳаракатҳои ифротӣ, ҳадафҳои барномавӣ ва оинномавии ҲХДТ  ибрози ақида карданд.

Ҳамзамон дар идомаи суҳбат гуфта шуд, ки Ҷумҳурии Тоҷикистон бо талошҳои пайвастаи Пешвои миллат муҳтарам Эмомалӣ Раҳмон рӯз аз рӯз тараққӣ намуда, дар ҷаҳон мақоми шоистаро ҳамчун давлати соҳибистқлол пайдо карда истодааст. Масалан, ҳафтаи равон дар пойтахти кишварамон шаҳри Душанбе Панҷумин Иҷлосияи сарони кишварҳои узви Машварати ҳамкорӣ ва тадбирҳои боварӣ дар Осиё баргузор гардид. Баргузории ин иҷлосия аз он шаҳода дод, ки Тоҷикистон ва Перзиденти мо дар сатҳи ҷаҳонӣ обрӯву нуфузи баландро соҳиб аст.