Ҷ.БАЛХӢ.Дар доираи “Соли баланд бардоштани масъулияти шаҳрвандӣ”. Бо мақсади баланд бардоштани маърифат ва масъулияти шаҳрвандон ва ҷиҳати баргузории корҳои созандагию ободонӣ дар ташкилоти ибтидоии ҳизби “Садбарг”-и ҷамоати шаҳраки Балхи ноҳияи Ҷалолиддини Балхӣ вохӯрӣ доир гардид.
Дар вохӯрӣ Содиқова Меҳрубон- муовини раиси Кумитаи иҷроияи ҲХДТ дар ноҳия иштирок карда, оид ба шарҳу тавзеҳи дуруст ва саривақтии иқдомоту ташаббусҳои созандаи роҳбарияти мамлакат суҳбат намуда, ҳамчунин дар мавриди омӯзонидани суннатҳои қадимаи ниёгонамон ба ҷавонон, аз қабили эҳтироми калонсолон, маърифати оиладорӣ, кӯмак ба дармондагон, ва анҷоми корҳои ободонӣ ба тариқи ҳашар аз ҳамагон даъват ба амал овард.
