ЁВОН. Дар доираи Соли баланд бардоштани масъулияти шаҳрвандӣ. Ҷиҳати роҳандозӣ намудани қисмати амалии Аксияи ҳизбӣ таҳти унвони «Якҷоя ҳал мекунем!» дар ташкилоти ибтидоии “Зафармандон”-и деҳаи Зафарободи Ҷамоати деҳоти Ситораи Сурхи ноҳияи Ёвон дар варзишгоҳи деҳа бо мақсади баргузории мусобиқаи футбол барои дарёфти Ҷоми Кумитаи иҷроияи ҲХДТ дар ноҳия ҳашари дастаҷамъона ва хониши сиёсӣ атрофи самтҳои афзалиятноки фаъолияти ҲХДТ баргузор гардид.
Зимни баргузории вохӯрӣ аз ҷониби намояндагони Кумитаи иҷроияи ҲХДТ дар ноҳия оид ба истиқболи сазовори ҷашни Рӯзи Ваҳдати миллӣ, расидан ба қадри сулҳу салоҳ, Истиқлолияти давлатӣ, тарбияи дурусти фарзандон дар доираи эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» ободу зебо намудани маҳали худ, тақвият бахшидани ҳунарҳои мардумӣ, тарғиби дурусти либоси миллӣ, арҷ гузоштан ба таърих ва фарҳанги аҷдодӣ ва ғайра андешаронӣ намуданд.
