А.ҶОМӢ. Дар хоҷагиҳои деҳқонии ҳудуди ҷамоатҳои деҳоти ноҳияи Абдураҳмони Ҷомӣ гурӯҳҳои корӣ аз ҳисоби фаъолони ҳизбӣ таъсис дода шудааст.
Ҳадаф аз таъсиси гурӯҳҳои тарғиботӣ назорат аз рафти озуқадиҳии ниҳолҳои пахта дар хоҷагиҳои пахтакор ва бурдани корҳои фаҳмондадиҳӣ оид ба самаранок истифода бурдани ҳар як ваҷаб заминҳои ҳосилхез, иҷроиши кишти саривақтии такрорӣ ва таъмини аҳолӣ бо маҳсулоти аз лиҳози экологӣ тоза бо нархи дастрас дар бозорҳо мебошад. Аъзои гурӯҳҳои корӣ бо роҳбарон ва саҳмдорони хоҷагиҳои деҳқонӣ вохӯриву суҳбатҳо гузаронида шуда, барои баланд бардоштани ҳосилнокӣ, дастуру маслиҳатҳои соҳавӣ дода, корҳо дар ин самт идома доранд.
