КӮШОНИЁН. Дар доираи Соли баланд бардоштани масъулияти шаҳрвандӣ. Яке аз самтҳои афзалиятноки фаъолияти ҲХДТ қабул ба сафи ҳизб аз ҳисоби ҷавонон, шахсони бонуфуз ва садоқатманду ватандӯст мебошад.
Вобаста ба ин, намояндагони Кумитаи иҷроияи ҲХДТ дар ноҳияи Кӯшониён ба аъзои нави қабулгардидаи ташкилоти ибтидоии “Фурудгоҳ” дар фазои тантанавӣ шаҳодатномаҳои ҳизбӣ супориданд.
Ҳамзамон, дар рафти супоридани шаҳодатномҳои ҳизбӣ аз ҳамагон даъват ба амал оварданд, ки бояд дар атрофи ғояҳои созандаи ҲХДТ муттаҳид гардида, баҳри татбиқи ҳадафҳои созандаи он кӯшиш ба харҷ диҳем.
Инчунин, дар идома қайд карда шуд, ки аъзои ҲХДТ будан ифтихори баланду шарафи бузург аст. Зеро ҲХДТ бо роҳбарии Пешвои миллат таъмини зиндагии шоистиаву босаодати халқро пеша кардааст.
