ЛЕВАКАНТ. Дар доираи Соли баланд бардоштани масъулияти шаҳрвандӣ. Боиси хушбахтии миллати тоҷик аст, ки тайи даҳ соли охир Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» қабул ва роҳандозӣ гардида, ба дуруст сафарбар кардани амалҳои хайру сахо мусоидат намуд.
Тавре аз дастуру ҳидоятҳои Роҳбари давлат, Раиси муаззами ҲХДТ муҳтарам Эмомалӣ Раҳмон бармеояд, шахсони саховатманде, ки имконияташон бештар аст, корҳои вобаста ба шакли анҷоми хайру сахо, баъдан ба ятимону барҷомондагон дасти ёрӣ дароз кардан, хайрҳои ҷорияро ба манфиати мардум анҷом диҳанд, боиси ифтихор ва сарфарозӣ аст.
Ин аст, ки бо дастгирии ташкилоти ибтидои ҶСП «Холдинги Исмоили Сомонӣ» ба 10 нафар оилаҳои ниёзманди ҷомеа дар доираи Аксияи ҳизбии «Якҷоя ҳал мекунем!» дар арафаи иди Рамазон маводҳои хӯрока кӯмак расонида шуд.
