ВАХШ. Дар доираи Соли баланд бардоштани масъулияти шаҳрвандӣ. Кумитаи иҷроияи ҲХДТ дар ноҳияи Вахш дар ташкилоти ибтидоии деҳаи «Советобод»-и ҷамоати деҳоти 20-солагии Истиқлолияти Тоҷикистон баҳри фаҳмонидани моҳияти Паёми Пешвои миллат муҳтарам Эмомалӣ Раҳмон вохӯрию суҳбат доир намуд.
Зимни ҳамоиш зикр гардид, ки муҳтавои паёми солонаи Пешвои миллат аз он иборат аст, ки мебояд ҳар сокин ҷиҳати дар амал татбиқ намудани он кореро новобаста аз вазъи иҷтимоии худ анҷом диҳад. Дар ҳамин ҳолат мо метавонем дар ҷомеа пешрафтро амалї намуда, зиндагии шоистаи худро таъмин созем. Дар охир оид ба ҳадафҳои олии ҲХДТ ва самтҳои афзалиятноки фаъолияти он суҳбату муколама сурат гирифт.
