КУШОНИЁН. Дар доираи Соли баланд бардоштани масъулияти шаҳрвандӣ. Бахшида ба Рӯзи ҷавонони Тоҷикистон дар муассисаи таҳсилоти миёнаи умумии №5-и ҷамоати деҳоти Навбаҳори ноҳияи Кӯшониён бо мақсади баланд бардоштани ҳисси ватандӯстӣ ва худшиносии миллӣ чорабинии фарҳангӣ доир карда шуд.
Дар чорабинӣ намояндагони Кумитаи иҷроияи ноҳиявии ҳизб иштирок намуда, ҷавононро ба Рӯзи идашон муборакбод гуфтанд.
Инчунин, масъулин зимни суханронӣ қайд карданд, ки ҷавонони бонангу номуси мо бо масъулияти баланд баҳри боз ҳам бештару хубтар ва муасситар фаро гирифтани илмҳои муосир, эҳтиром ба моликияти давлатию ҷамъиятӣ ва иштироки фаъолона дар корҳои ҷамъиятию сиёсӣ ҳамеша саҳми муносиб мегузоранд.
Дар охир фаъолон бо Сипосномаи Кумитаи иҷроияи ҲХДТ дар ноҳияи Кӯшониён сарфароз гардонида шуданд.
