Н.ХУСРАВ. Ба истиқболи сазовори ҷашни 30-солагии Истиқлолияти давлатӣ. Бо мақсади иҷрои дастуру супориш ва ҳидоятҳои Пешвои миллат муҳтарам Эмомалӣ Раҳмон ҷиҳати татбиқи амалии Аксияи « Якҷоя ҳал мекунем!» дар ростои истиқболи ҷашни 30- солагии Истиқлолияти давлатии кишвар, ки то соли 2021 идома дода мешавад ва татбиқи Соли баланд бардоштани масъулияти шаҳрвандӣ дар маҳаллаи Фирӯза оид ба самтҳои афзалиятноки фаъолияти ҲХДТ ҷаласаи ҳизбӣ баргузор гардид.
Масъулони Кумитаи иҷроия мушкилотҳои дар маҳалбударо сари вақт дарёфт карда, роҳи ҳалли онҳоро ҷустуҷу намуда, камбудиҳои ҷойдоштаро дар маҳаллаи мазкур дар якҷоягӣ бо мардум бартараф кардан суҳбат намуданд.
Бо мақсади беҳтар ба роҳ мондани корҳои тарғиботиву ташвиқотӣ ба мардум фаҳмонидани роҳҳои ҳалли масъалаҳои иқтисодиву иҷтимоӣ, сафарбар намудани қувваи халқ ба корҳои ободониву созандагӣ бо қувваи аъзои ҳизби ташкилоти ибтидоии “Фирӯза” бинои ҷамъиятӣ сохта ба истифода дода шуд, ки як утоқи он дафтари кори раиси ташкилоти ибтидоии маҳалла буда, бо тамоми шароити корӣ ва ҳуҷҷатҳои ҳизбӣ ҷиҳозонида шуд.
