ҶАЙҲУН. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии «Вахш»-и ноҳияи Ҷайҳун оид ба самтҳои афзалиятноки фаъолияти ҲХДТ чорабинии таблиғотии ҳизбӣ баргузор карда шуд.
Дар он мутахассиси шуъбаи ташкилӣ ва баҳисобгирии Кумитаи иҷроияи ҲХДТ дар ноҳия Зайдуллоев Муҳамадҷон иштирок карда, сараввал қайд намуд, ки Ҳукумати Ҷумҳурии Тоҷикистон се ҳадафи стратегии худро, аз ҷумла, «Таъмини амнияти озуқаворӣ», «Аз бунбасти коммуникатсиони баровардани кишвар» ва «Таъмини Истиқлолияти энергетикӣ» тасдиқ намудааст. Ҳамчунин иброз дошт, ки маҳдудияти барқ пурра бардошта шуд ва мо ба Истиқлолияти комили энергетикӣ хеле наздик шудем. Ин дастоварду комёбии бузург боиси шукргузории ҳар як шаҳрванди кишвар аз фазои суботу осоиштагии комил ва ваҳдати саросарӣ мебошад.
Дар доираи Аксияи ҳизбӣ таҳти унвони «Якҷоя ҳал мекунем!» аз ҷониби раиси ташкилоти ибтидоии «Вахш» ба як нафар бемор аз оилаи эҳтиёҷманд кӯмаки молиявӣ дар ҳаҷми 250 сомонӣ барои хариди доруворӣ расонида шуд.
