ҲАМАДОНӢ.Ба истиқболи сазовори ҷашни 30-солагии Истиқлолияти давлатӣ. Дар ташкилоти ибтидоии «Кодара1»-и ҷамоати деҳоти Панҷруд оид ба самтҳои афзалиятноки фаъолияти ҲХДТ хониши сиёсӣ баргузор гардид.
Зимни баромад масъулини ҳизбӣ оид ба корҳои созандагию ободонӣ ба муносибати 30- солагии Истиқлолияти давлатӣ суханронӣ карда, қайд гардид, ки ба мақсади вусъат бахшидан ба ҳалли масъалаҳои зикршуда ва бо дарназардошти зарурати инкишофи инфрасохтори деҳот солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» эълон карда шудааст.
Мақсади асосӣ аз ин пешниҳод амалигардонии талошҳои Ҳукумат ба хотири боз ҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар кардани инфрасохтор, пеш аз ҳама дар соҳаҳои маорифу тандурустӣ, таъсиси ҷойҳои корӣ, бунёду таҷдиди роҳҳои маҳали ва баланд бардоштани некӯаҳволии мардум дар ҳар як деҳа ва маҳали аҳолинишин мебошад.
Дар иҷрои амалии Аксияи ҳизбии «Якҷоя ҳал мекунем!» зиёда аз 1,5 км роҳи деҳаи Кодара 1 сангфарш карда шуд.
