КӮЛОБ. Ба истиқболи сазовори ҷашни 30-солагии Истиқлолияти давлатӣ. Дар ташкилоти ибтидоии “Нақлиёти минтақа” вобаста ба самтҳои афзалиятноки фаъолияти ҲХДТ вохӯрӣ баргузор гардид.
Дар вохӯрӣ намояндагони шаҳрии ҳизб баромад намуда, изҳор карданд, ки ҲХДТ фаъолияташро дар асоси ҳадафҳои барномавии худ ба роҳ монда, бо ширкати фаъолона ва иқдому ташаббусҳои аъзо ва ҷонибдорон худ дар ҳаёти сиёсиву иҷтимоии кишвар нақши арзанда гузошта истодааст.
Солҳои охир ҲХДТ дар ҷомеа ҷойгоҳи сазовори сиёсӣ ва ҷамъиятӣ пайдо намуда, на танҳо ҳизби сернуфуз, балки ҳизби пешсафи мафкуравию идеявии ҷомеа мебошад. Аз ин рӯ риояи ҳамаҷонибаи интизоми ҳизбӣ, аз ҷониби аъзо ва ҷонибдорони он пеш аз ҳама, сарҷамъӣ, муттаҳидӣ ва мақому манзалати ҳизбро дар ҷомеа тақвият мебахшад.
Зимни роҳандозии Аксияи ҳизбии “Якҷоя ҳал мекунем!” аъзо ва ҷонибдорони ҳизб тасмим гирифтанд, ки бинои маъмурии худро аз таъмири ҷорӣ бароранд.
