НОРАК. Ба истиқболи сазовори ҷашни 30-солагии Истиқлолияти давлатӣ. Дар ташкилоти ибтидоии ҳизбии “Истиқлол” доир ба самтҳои афзалиятноки фаъолияти ҳизбӣ хониши сиёсӣ доир карда шуд.
Фирдавс Ғафурзода корманди масъули Кумитаи иҷроияи шаҳрии ҳизб атрофи дастуру супоришҳои мақомоти болоии ҲХДТ андешаронӣ карда, қайд намуд, ки Ҳукумати Ҷумҳурии Тоҷикистон барои беҳтар гардидани вазъ дар самтҳои илму маориф, фарҳангу тандурустӣ барномаҳои давлатӣ ва тадбирҳои иловагӣ роҳандозӣ намуда, ислоҳот ва навсозиро босуръат пеш бурда истодааст.
Баъдан дар қисмати амалии Аксияи ҳизбии “Якҷоя ҳал мекунем!” иштирокдорон ба тоза намудани ҷӯйборҳои деҳа баромада, гирду атрофи хонаҳои истиқоматиро аз алафҳои бегона ва партовҳо тоза намуданд.
