ДАНҒАРА. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Калкот”-и ҷамоати деҳоти Себистон хониши сиёсӣ оид ба самтҳои афзалиятноки фаъолияти ҳизбӣ баргузор гардид.
Каримов Пирмуҳаммад раиси Кумитаи иҷроияи ҲХДТ дар ноҳия атрофи масъалагузориҳои Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатӣ, ба Ватан баргардонидани 84 нафар ноболиғони тоҷик аз зиндонҳои давлати Ироқ, ба мардум фаҳмонидани натиҷаи манфии пайвасти шаҳрвандон ба гурӯҳҳои террористӣ- экстремистӣ ва амалҳои ваҳшиёнаи онҳо махсусан давлати исломӣ (ДИИШ) андешаҳои худро баён намуда, зикр кард, ки сарҷамъии мо нишона аз соҳибдавлатии мо дарак медиҳад.Аз ин рӯ, моро лозим аст, сарҷамъона дар ҳифзи арзишҳои волои миллӣ, дастовардҳои даврони Истиқлолият ва таҳкими Ваҳдати миллӣ садоқатмандона хизмат намоем ва ҳушёриву зиракии сиёсиро аз даст надиҳем.
