ВАХШ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Ботробод» -и ҷамоати шаҳраки Киров доир ба самтҳои афзалиятноки фаъолияти ҲХДТ вохӯрӣ доир гардид.
Зимнан раиси Кумитаи иҷроияи ноҳиявии ҲХДТ Маҳмадов Одилҷон оид ба дастуру супоришҳои мақомоти болоии ҳизбӣ, аз ҷумла дар мавзӯъи фаъол гардонидани шаҳрвандон ва ҷалби бештари онҳо ба соҳибкорӣ, хоҷагидорию кишоварзӣ ва корҳои хоҷагию ҳунарҳои мардумӣ ба хотири паст кардани шиддати бекорӣ ва фаро гирифтани сокинон бо шуғл ва ба дарки ҷомеа расонидани моҳияти хизмат дар сафи Артиши миллӣ ҳамчун мактаби ҷасорату мардонагӣ ва омили асосии нигоҳ доштани сулҳу суботу амнияти кишвар суханронӣ намуд.
