Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии «Коментерин»- и Ҷамоати деҳоти Фрунзеи ноҳияи Ҷалолиддини Балхӣ бо иштироки мутахассиси шуъбаи ташкилӣ ва баҳисобгирии Кумитаи иҷроияи ҲХДТдар ноҳия Асоев Хизирдин хониши сиёсӣ баргузор гардид. Зимни баромади худ Асоев Хизирддин оид ба самтҳои афзалиятноки фаъолияти ҲХДТ суханронӣ намуда, иброз дошт, ки амалӣ намудани мақсаду маром ва ҳадафҳои Паёми Президенти Ҷумҳурии Тоҷикистон муҳтарам Эмомалӣ Раҳмон вазифаи ҳар яки мо буда, бояд баҳри пешрафту шукуфоии кишвар, ҳифзи дастовардҳои даврони соҳибистиқлоли, иҷрои корҳои созандагию бунёдкорӣ ва мустаҳкам намудани дўстию бародарӣ сарҷаъмона талош варзем.
