ВОСЕЪ. Дар доираи “Соли баланд бардоштани масъулияти шаҳрвандӣ”. Бо ташаббуси Кумитаи иҷроияи ҲХДТ дар ноҳияи Восеъ дар ташкилоти ибтидоии ҳизбии “Литсей касби техникӣ” бо ҷалби намояндагии ТҶҶ «Созандагони Ватан» хониши сиёсӣ баргузор гардид.
Нахуст раиси Кумитаи иҷроияи ҲХДТ дар ноҳия Сафарова Ҳафиза вобаста ба уҳдадориҳои падару модар дар таълиму тарбияи фарзандон, ба камол расонидани фарзандони солиму ватандӯст, худогоҳу худшинос, соҳибмаърифату донишманд ва баору номус ибрози назар намуда, дар бораи зарурат ва аҳамияти қонуни Ҷумҳурии Тоҷикистон дар бораи таълиму тарбияи фарзанд маърӯза намуд.
Дар охир раиси ташкилоти ибтидоии мазкур Шарипов Қудрат иброз дошт, ки қабули Қонуни мазкур ҳар кадоми моро вазифадор менамояд, ки дар таълиму тарбияи фарзандон, ба хусус дар шароити пуртазоди муосир масъулияти бештарро эҳсос намоем.
