ШАҲРИТУЗ. Дар доираи “Соли баланд бардоштани масъулияти шаҳрвандӣ”. Дар ташкилоти ибтидоии ҳизбии “Ҷамияти Матлуботи ноҳияи Шаҳритуз” хониши сиёсӣ баргузор гардид. Дар рафти он масъулин оид ба самтҳои афзалиятноки фаъолияти ҳизб, махсусан, шомилшавии ҷавонон ба ҳар гуна ташкилоту ҳаракатҳои терористию эстремистӣ андешаронӣ карданд.
Ҳамчунин қайд гардид, ки ба муқобили ҳама гунна таассуби динӣ ва хурофатпарастие, ки дину арзишҳои воқеии инсониро таҳриф менамоянд ва марҳила ба марҳила одамро ба нодонию вобастагии ақидавӣ гирифтор менамоянд мубориза бурда, аз бегонапарастиву майл ба фарҳанги бегона ҳазар карда ҳувияту асолати миллии хешро бояд ҳифз намоем ва ҷавононро дар руҳияи ифтихори миллӣ тарбия кунем.
