АНДЕША.Паёми имсолаи худро Президенти мамалакат бо ишорат ба се руйдоди муҳими хотирмони таърихӣ дар соли 2018 барои мардуми тоҷик оғоз намуданд, ки барои ҳар як фаврди тоҷику тоҷикистонӣ хеле муҳим ва хотирмон мебошад. Аввалинаш ин оғози татбиқи ташаббуси чоруми ҷаҳонии давлати мо дар соҳаи об- “Даҳсолаи байналмилалии амал “Об барои рушди устувор, солҳои 2018-2028”, дувум ба кор андохта шудани агрегати якуми Нерӯгоҳи барқи обии “Рорғун” яъне иншооти тақдирсози аср ва ояндаи дурахшони Тоҷикистон, ки солҳои сол мардуми интизораш буданду бо заҳмату меҳнати пайвастаи чандинсолаи мардуми тоҷик амали гардид ва “ҳалли масъалаҳое, ки дар тӯли зиёда аз ду даҳсола бавуҷудомадаи сиёсиву иқтисодӣ ва тиҷорати бо Ҷумҳурии Ӯзбекистон дар ҳаёти иҷтимоиву иқтисодӣ ва маънавии мардум”, маҳсуб меёбанд.
Ҳақиқатан ин се руйдоди нодири таърихӣ дар сарнавишти миллат бо ҳарфҳои заррин навишта хоҳад шуд. Ин руйдодҳои муҳим барои Тоҷикистони соҳибистиқлоли мо марҳилаи тозаи таҳаввулотро оғоз намуда дар таъмини нуфузу мақоми баланди кишвар ҳамчун давлати ташаббускори сатҳи ҷаҳонӣ заминаи устувор хоҳад гузошт.
Дар Паёми имсола, Пешвои миллат ба ҳамаи бахшҳои ҳаёти ҷаъмияти кишвар баҳои сазовор дода, таваҷчуҳи хосаро ба боло бурдани сатҳу сифати таълим дар ҳамаи зинаҳои таҳсилот аз ҳама муҳимтарин мақсадҳои Паёми навбатӣ маҳсуб мешавад, ки дар ҷавҳари он тадбирҳои оянданигарона ва пайванди мустаҳками фардосоз қарор гирифтаанд. Дар Паём таъкид гардид, ки ба инкишофи зинаи таҳсилоти томактабӣ диқкати ҷидди дода, шумораи муассисаҳои томактаби бо маром зиёд гардида, ба рушду қобиляти зеҳнии кӯдакон шароити мусоид фароҳам оварда мешавад. Пешвои миллат дақиқона ба ҳолати имрӯзаи соҳаи маориф баҳои амиқ дода қайд намуданд, ки “ Дар соҳаи маориф ду проблемаи асосии ҳалталаб вуҷуд дорад. Якум норасоии кадрҳои соҳибкасбӣ омӯзгорӣ ва дуюм баланд бардоштани сатҳу сифати таълим дар тамоми муассисаҳои таҳсилоти кишвар”
Воқеан, мо ба ҳадафҳои наҷибу фардосози худ ва татбиқи барномаҳои бузурги давлатӣ дар сурате сазовор мегардем, ки мутахасисони ҷавобгӯ ба ниёзҳои замони имрӯзро тарбия ва омода намоем
Масъулияти тайёр кардани чунин мутахасисон , пеш аз ҳама. ба души омӯзгори соҳибкасб, хирадманду бохабар аз тамоми донишҳои замони муоссир дар ҳамаи зинаҳои таҳсилот вогузор аст.
Пешвои миллат борҳо ба ин нукта таъкид доштанд, ки омӯзгор ҳуқуқи хато карданро надорад ва бояд дар амри иҷрои рисолати пешбаранда ҷомеа будани хеш дар талош бошад. Иқдом ва талошҳои ҳар нафар омӯзгор дар замони муоссир пеш аз ҳама афзалияти маълумот барои боло бурдани сатҳу сифати таълим дар фаъолияти хеш, ба шогирдон расонидани тамоми донишҳои муҳими муоссир барои расидан ба ҳадафҳои фардоафрӯзи Тоҷикистон, ки дар Паёми Пешвои миллат мушаххас гардидаанд тамоми кушишу ғайрати хешро равона созанд.
Дар Паём инчунин муҳимтарин масъалаҳои дохил ва хориҷи кишвар қарор дода шуда ба масъала дастгири соҳибкорон ва ривоҷу равнақи соҳибкорӣ, саҳми соҳибкорон дар афзоиши ҳаҷми маҳсулоти дохилӣ, афзоиши ҳаҷми сармоягузориҳо дар иқтисодиёти кишвар бахшида шуд.
Ҳамчунин зимни ироаи Паём Пешвои миллат бори дигар аз вазъи ноороми ҷаҳон ёдовар шуда , таъкид намуданд, ки “ Мо бояд аз истиқлолияту озодӣ ва соҳибватаниву соҳибдавлатӣ шукрона кунем, шукронаи Ватани соҳибихтиёру маҳбубамонро ба ҷо орем, бо назардошти вазъи ноороми минтақа ва ҷаҳон зиракию ҳушёрии сиёсӣро аз даст надиҳем, онро сидқан дӯст дорем, ба давлати соҳибистиқлоламон содиқ бошем, ҳамаи съю талоши худро ба хотири пешрафтаву нерӯманд гардонидани он ва дар арсаи байналмилалӣ боз ҳам баланд бардоштани нуфузу эътибори Тоҷикистони азизамон равона кунем”.
Дар ҳақиқат, ҳар як фарди Тоҷикистонро мебояд аз сулҳу субот ва оромии диёрамон шукрона гуем, ба қадри истиқлолияту дастовардҳои даврони соҳибистиқлолӣ бирасем ва тамоми кушишу ғайратамонро баҳри ба давлати пешрафта табдил додани Ватани азизамон равона созем.
Раҳмон Муродов-мудири шуъбаи таблиғот, иттилоот ва матбуоти
КИ ҲХДТ дар ноҳияи Носири Хусрав
